د پنج آمو سیندیزې عمومي حوزې او تر چتر لاندې د سیندیزو فرعي حوزو د کارمندانو د وړتیا لوړولو په موخه ښوونیزه برنامه پيل شوه
دغه څلور ورځنۍ ښوونیزه برنامه د پنج آمو سیندیزې عمومي حوزې د رئيس محترم مولوي عبدالحکیم حاجي حکمت په شتون کې د دغې عمومي حوزې او تر چتر لاندې د سیندیزو فرعي حوزو د یو شمېر کارمندانو د وړتیا لوړولو په موخه پيل شوه.
ښاغلي حاجي حکمت د دغې برنامې په پرانیست غونډه کې د اوبو د ارزښت په هکله خبرې وکړې او له ګډونوالو څخه یې وغوښتل چې له دغې برنامې څخه سمه ګټه پورته کړي.
په دغه ښوونیزه برنامه کې د اوبو او انرژي وزارت د مسؤلینو له لوري د اوبو د تخصیص په هکله ګډونوالو ته اړین معلومات وړاندې کېږي.
