د کابل سیندیزې حوزې عمومي رئیس او د کابل ولایت د یو شمیر نورو ادارو رئیسانو د ارغندۍ سیمې له ژورو کندو څخه لیدنه ترسره کړه
د کابل سیندیزې حوزې عمومي رئیس انجنیر حبیب الرحمن حقپال، د منځني کابل سیندیزې فرعي حوزې رئیس مولوي ولي محمد تائب، د کابل ولایت د کانونو، چاپیریال ساتنې، کرنې او مالدارۍ او یو شمیر نورو ادارو رئیسانو د پغمان ولسوالي د ارغندۍ سیمې د ژورو کندو څخه لیدنه وکړه.
د نوموړو ژورو کندو څخه اوسمهال د سطحي اوبو د راټولولو په موخه ګټه اخیستل کېږي، چې د حفظ او مراقبت او پاک ساتلو په موخه د هرې ادارې دندې په نښه او اړینې پریکړې وشوې.
د یادونې وړ ده، چې په ارغندۍ سیمه کې وروستي سیلابونه د همدغو ژورو کندو له لوري مهار شوي دي، چې د کابل ښار د ځمکې لاندې اوبو د تغذیې لپاره ګټورې دي.
