د کابل ښار په ۸ ناحیه کې د برېښنا انرژي خدمتونو د وړاندې کوونکو شرکتونو د ارزولو چارې پیل او په ۱۲ ناحیه کې پای ته ورسېدلې
د بريښنا انرژی د مارکیټ حقوقي رئیس محترم الحاج محمد حارث زرمتی او ورسره مل ټیم د کابل ښاروالي د ۸ ناحیې له مرستیال محترم مولوي نورالحق حنفي سره په نوموړې ناحیه کې د بريښنا انرژي د تولید او وېش شرکتونو د قانونمند کېدو په موخه وکتل.
په دغه لیدنه کې، دواړو لورو د برېښنا مارکیټ د لا ښه تنظیم، د معیاري کودونو او سټندردونو د رعایتولو، د معیاري تعرفې د پلي کولو، د بې خطره تخنیک د رعایتولو او یو شمېر نورو موضوعاتو په هکله بحث او د اندونو تبادله وکړه.
همدارنګه، د برېښنا انرژي خدمتونو د تنظیم عمومي ریاست تخنیکي ټیم د کابل ښار په ۸ ناحیه کې د برېښنا انرژي خدمتونو د وړاندې کوونکو شرکتونو د ارزولو چارې پیل کړې.
