د کاپيسا ولایت د باغدرې بند د ټولنیزې او چاپېریالي اغېزو د ارزولو په موخه درې اړخیزه ګډه ناسته ترسره شوه
![1](/sites/default/files/2024-09/img-20240901-wa0001.jpg)
دغه ناسته د کاپیسا د سیندیزې فرعي حوزې د رئيس محترم انجنیر کاوه خروش، د کاپيسا مرستیال والي محترم شیخ اسدالله سنان او د شنې دایرې د چوپړیز، مشورتي او چاپېریالي شرکت د مسؤل محترم انجنیر عصمت الله شمس ترمنځ ترسره شوه.
په دغه ناسته کې، د باغدرې بند د ټولنیزې او چاپېریالي اغېزو د ارزولو په هکله بحث او د اندونو تبادله وشوه او ټاکل شوې ده، چې د نوموړي شرکت تخنیکي ټیم نن د نوموړي بند د ټولنیزو او چاپېریالي اغېزو د ارزولو چارې پیل او د نوموړي بند محور ته ټولې غځېدلي لارې له تخنیکي پلوه وڅېړي.
همدارنګه په دغه ناسته کې د باغدرې بند د عملي چارو پر پیل باندې ټینګار وشو.