د کاپيسا ولایت په فرعي سیندیزه حوزه کې د ۱۴۰۱ مالي کال د لومړي ربعې د کړنو د ارزونې په موخه د همغږي ناسته ترسره شوه
دا ناسته، د کاپیسا ولایت د فرعي سیندیزې حوزې رئيس ښاغلي انجنیر کاوه خروش تر مشري لاندې د یاد ریاست د ټولو کارکوونکو په ګډون جوړه شوه.
په دغه ناسته کې، د یادې سیندیزې فرعي حوزې ټولو اړوندو مسؤلینو د خپلو درې میاشتني کړنو راپورونه د یادې فرعي سیندیزې حوزې د رئيس په شتون کې وړاندې کړل.
د کاپيسا فرعي سیندیزې حوزې رئیس ښاغلي انجنیر کاوه خروش د مسؤلینو دکاري راپور تر څېړلو وروسته، په هیواد کې د اوبو د مدیریت د اهمیت په هکله خبرې وکړې او د اړوندو مسؤلینو څخه یې و غوښتل، چې د اوبو سرچینو د کمیدلو پر طرحې، د وچکالۍ د کړکیچ د مدیریت او د اوبو سرچینو ارقامو د راټولولو باندې خپل کارونه چټک کړي او خپل کاري راپور ژر تر ژره د کابل عمومي سیندیزې حوزې او د وزارت له مقام سره شریک کړي.
همدارنګه په دغه ناسته کې، په تګاب ولسوالي کې د پنځه وروستیو سروې شویو پروژو ( یو کانال- دوه کاریزه- دوه کوچني ذخیروي بندونو) په هکله خبرې وشوي او ټینګار وشو چې د ریاست تخنیکي ټیم ژر تر ژره پروژې سروې کړې او خپل کاري راپور دې مرکز ته ولیږې.
په پای کې، د افغانستان اسلامي امارت د امر باالمعروف او نهي عن المنکر وزارت د عالي مقام د هدایت سره سم، د امیرالمومنین حفظ الله د عالي مقام هدایات چې ۱۴ مادې پکې شاملې دي، کارکوونکو ته ولوستل شوه او ټولو کارکوونکو د یادو مادو د عملي کولو لپاره خپله ژمنتیا وښوده.
