د کاپیسا ولایت د اوبو ګټه اخیستونکو ټولنو عمومي غونډه ترسره شوه
یاده غونډه د کاپیسا سیندیزې فرعي حوزې رئیس انجنیر کاوه خروش تر مشري لاندې، د کاپیسا ولایت مقام استازي محترم مولوي جمعیت الله او د کاپیسا ولایت د مرکز او ولسوالیو د 26 د اوبو ګټه اخیستونکو ټولنو د رئیسانو په شتون کې ترسره شوه.
په دې غونډه کې د اقلیمي بدلونونو، د اوبو سرچینو د کمښت، د 11 وړو، متوسطو او لویو بندونو د لومړني سروې د ګزارش، د وچکالۍ بحران د مدیریت د څرنګوالي د طرحي او پلان، د ګلبهار(زاغ آبیدان) بند د طرحې او د باغدرې د برېښنا بند د جوړولو په هکله بحث او د اندونو تبادله وشوه.
همدارنګه، په دې غونډه کې د کاپیسا سیندیزې فرعي حوزې د رئیس له لوري د باغدرې بند په هکله یو پرزنټیشن ګډونوالو ته وړاندې شو.
