د کجکي بند د دویم فاز او د شاه او عروس بند پروژې د استملاک ستونزو د حل په موخه د ښارجوړونې وزارت له مسؤلینو سره د همغږي غونډه جوړه شوه.
د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده په حضور کې د هلمند ولایت د کجکي بند پروژې د دویم فاز او د شاه او عروس بند پروژې د استملاک ستونزو د حل په موخه د همغږي غونډه جوړه شوه.
په دې غونډه کې د ښارجوړونې وزارت د استملاک عمومي رئیس ښاغلي حارث اخترزاده او د دواړو وزارتونو د یو شمېر نورو رئیسانو په ګډون ترسره شوه.
په دې غونډه کې د اوبو معین په حضور کې د پروژو د استملاک د وضعیت په اړه بشپړ راپور وړاندې شو، چې د ستونزو د حل په موخه یې خبرې وکړې.
د اوبو او انرژی وزارت د اوبو معین ښاغلي انجنیر مجیب الرحمن عمر آخندزاده د مسؤلینو د راپور له اوریدو وروسته د کجکي بند د پروژې د استملاک بهیر پر چټکتیا باندې ټینګار وکړ او یادونه یی وکړه چې یاده موضوع باید د ریاست الوزرا له محترم مقام سره شریکه شي، ترڅو د دې د حل لپاره اړین اقدامات وکړي او د محترم رئيس الوزرا له لارښوونو سره سم اقدامات ترسره شي.
د یادولو وړ ده چې د کجکي بند د دویم فاز کار په چټکۍ سره روان دی چې په نږدې راتلونکي کې به په بشپړ ډول ګټې اخیستنې ته وسپارل شي، د دې پروژې په بشپړیدو سره به سل میګاواټه بریښنا نوې تولید شي او د کجکي د بریښنا بند ټول تولیدي ظرفیت به ۱۵۱ میګاواټو ته لوړ شي.
