د کجکي بند د دویم فاز د کاري پرمختګ او د چارو همغږۍ په موخه غونډه وشوه.
د کجکي بند د دویم فاز د کاري پرمختګ او د چارو همغږۍ په موخه غونډه وشوه.
د اوبو چارو تنظیم ادارې لوی رئیس انجنیر خان محمد تکل، د جمهوري ریاست د عالي مقام د چارو ادارې د پانګونې اسانتیا واحد رئیس عطا الله نصیب او د افغانستان برېښنا شرکت او مالیې وزارت د استازو او د کجکي برېښنا بند د دویم فاز قراردادي کمپنۍ مسوولینو سره د ذکر شوي بند د دوېم فاز کاري پرمختګ، تخنیکي او استملاک چارو په اړه غونډه وشوه.
په پېل کې د پانګونې اسانتیا واحد رئیس عطا الله نصیب د کجکي برېښنا بند د ظرفیت لوړوالي، اقتصادي ارزښت او دغه بند ته د حکومت د مشرتابه د ځانګړې پاملرنې په تړاو خبرې وکړې.
د اوبو چارو تنظیم ملي ادارې لوی رئیس ښاغلي تکل د کجکي برېښنا بند په تخنیکي اړخونو او د اوبو د تنظیم په اړه خپل نظرونه او وړاندیزونه شریک کړل.
د برېښنا شرکت استازي او د کجکي برېښنا بند قراردادي کمپنۍ مسوول د اوبو اوسنۍ کچې، د برېښنا د مزي لیږد او د پروژې لپاره د ځمکو استملاک په اړه خپل وړاندیزونه شریک کړل.
پایله دا شوه، چې اړونده ادارې په غونډه کې د شویو پرېکړو په پام کې نیولو سره خپل نظرونه او وړاندیزونه د پانګونې اسانتیا واحد سره شریکې کړي، څو د پروژې د قراداد ځینو موادو تعدیل د اقتصاد عالي شورا ناستې ته چمتو او وړاندې شي.
د اوبو چارو د تنظیم ملي اداره
