د کندز ولایت په امام صاحب ولسوالي کې د بزګرانو د ځان بسیاینې تر سرلیک لاندې غونډه جوړه شوه
دغه غونډه د پنج آمو سیندیزې حوزې عمومي رئيس محترم مولوي عبدالحکیم حاجي حکمت له لوري د کندز ولایت د امام صاحب ولسوال محترم مولوي ګل محمد الیاس، د نوموړې ولسوالي ښاروال محترم مولوي امین الله حقیار او د میر آب باشانو او بزګرانو په شتون کې جوړه شوه.
په دغه غونډه کې، ښاغلي حاجي حکمت د بزګرانو د ځان بسیاینې تګلاره په مفصله توګه تشریح کړه او زیاته یې کړه، چې د دغې تګلارې پر بنسټ بزګران کولای شي، چې خپلې ستونزې په خپل مټ په چټکۍ سره هوارې کړي او د کانالونو اړوند ستونزې به د ټولو شوو پیسو په واسطه د نوموړې ولسوالي له اړوندو ادارو او سیندیزې حوزې سره په همغږۍ په عاجل ډول هوارې شي.
