د یو، این، ډي، پي دفتر له مسؤلینو سره د اوبو سرچینو، د کانالونو د بیارغونې او د سربندونو جوړولو د طرحو په هکله خبرې وشوې
د کاپيسا سیندیزې فرعي حوزې رئيس محترم انجنیر کاوه خروش د نوموړي دفتر د معیشت له کارپوه محترم ډاکټر غلام مرتضی خاشع او مل پلاوي سره وکتل او په نوموړې حوزه کې د اوبو سرچینو، د کانالونو د بیارغونې، د سربندونو د جوړولو، د څنډو د تحکیماتو او د اوبو رسولو شبکو د طرحو په هکله خبرې وکړې.
ښاغلي خاشع د کاپيسا سیندیزې فرعي حوزې رئيس له رئيس سره په دغه لیدنه کې د نوموړو موضوعاتو په هکله د هر راز همکاري ژمنه وکړه.
له بلې خوا، د کاپيسا د سیندیزې فرعي حوزې د کارمندانو لپاره د څښاک، کرنیزې، ا وصنعتي اوبو د څاګانو د کیندلو د اسنادو د چمتو کولو په هکله د وړتیا لوړولو برنامه پيل شوه.
ټاکل شوې ده، چې په دغه برنامه کې د اړوندو مسؤلینو له لوري ګډونوالو ته اړین معلومات وړاندې شي.
