غور ولایت کې د زرخرید پشتګران چکډم پروژه د څه باندې درې میلیونه افغانیو په ارزښت ګټې اخیستنې ته وسپارل شوه
د غور ولایت په تیورې ولسوالي کې د زرخرید پشتګران چکډم پروژه د اوبو او انرژي وزارت له پراختیایي بودجه څخه د درې میلیونه، درې سوه، درې اتیا زره، نهه سوه او دروېشت( 3،383،923) افغانیو په ارزښت د غور سیندیزې فرعي حوزې رئيس محترم ملا رحمت الله اماني، د ولایت مقام د استازي، دتیورې ولسوالي د مسؤلینو او یو شمېر قومي مشرانو په شتون کې ګټې اخیستنې ته وسپارل شوه.
د غور سیندیزې فرعي حوزې رئيس د نوموړې پروژې ګټې اخیستنې ته د سپارلو په غونډه کې د هغې د ارزښت په هکله خبرې وکړې او زیاته یې کړه، چې اوبه ملي پانګه او الهي امانت دی چې باید ورڅخه په ښه توګه ګټه پورته شي او د اوبو مدیریت یې د ټولو ګډه دنده وبلله.
نوموړې پروژه به نوموړي ولسوالي کې د سیلابونو د کنټرول او د هغو ګواښونو د کمولو، د موسمي بارانونو د اوبو د راټولولو، د ځمکې لاندې اوبو د پياوړتیا او په کرنیزو چارو کې د ګټې اخیستنې په موخه پلي شوه او پکې لسګونو کسانو ته د کار زمینه چمتو شوې وه.
