لوګر ولایت کې د نهه کاریزونو د پاکاري او رغنیزو پروژو چارې د ۹۵ زره آمریکایي ډالرو په لګښت پيل شوې
د لوګر ولایت د مرکز او محمد آغې او برکي برک ولسوالیو کې د نهه کاریزونو د پاکاري او رغنیزو پروژو چارې د ۹۵ زره آمریکایي ډالرو په لګښت د لوګر د سیندیزې فرعي حوزې د رئيس محترم ملا محمد اسماعیل آخندزاده، د ولایت د مقام د دفتر رئيس محترم رحمتالله عثماني او یو شمېر قومي مشرانو په شتون کې پيل شوې.
په دغو پروژو کې سلګونو کسانو ته د کار زمینه چمتو شوې او د چارو په بشپړېدو سره به یې ۱۲۰۰ جریبه ځمکه خړوبه شي.
د نوموړو پروژو چارې د یونیسکو موسسې په مالي لګښت د لوګر د سیندیزې فرعي حوزې تر څارنې لاندې پرمخ وړل کېږي.
