هلمند ولایت کې د څه باندې ۳۶۷ میلیونه افغانیو په لګښت د یوه سوداګریز مارکیټ د جوړېدو چارې پيل شوې
هلمند ولایت کې د ۳۶۷ میلیونه ۴۸۹ زره او ۵۷۲ اعشاریه ۳۵ افغانیو په لګښت د اوبو او انرژي وزارت او د عمري سوداګریز ودانیز شرکت ترمنځ ګډ مشارکتي سوداګریز مارکیټ"لقمان حکیم" د هلمند د عمومي سیندیزې حوزې د سرپرست محترم انجنیر حبیب الله دین دوست، د چارو ادارې عمومي ریاست د عامه او خصوصي مشارکت رئيس محترم مفتي عبدالواحد عثماني، د ولایت مقام د دفتر رئيس محترم مولوي عبدالرحمن حذیفه، د عمري سوداګریز ودانیز شرکت د مسؤلینو او یو شمېر نورو سیمه ییزو مسؤلینو په شتون کې پيل شوې.
د دغه پنځه پوړیز مارکیټ د جوړېدو په مراسمو کې د هلمند عمومي سیندیزې حوزې سرپرست وویل چې دغه سوداګریز مارکیټ د لښکرګاه په لومړۍ ناحیه کې د دغه ریاست په ملکیت کې په مشارکتي ډول جوړیږي، چې پکې ۴۰ بلاکونه، ۲۷۰ دوکانونه او د وسایطو لپاره مجهز تمځای او یو باب لوی مجهز جومات شامل دی.
په دغه پروژه کې چې سلګونو کسانو ته د کار زمینه چمتو شوې او نوموړي سوداګریز شرکت ته په مشارکتي ډول د ۲۰ کلونو لپاره په قرارداد ورکړل شوی دی.
