په بغلان ولایت کې د تیرو سیلابونو د زیانونو د څیړلو په هکله د یاد ولایت په مقام کې ناسته ترسره شوه
یاده ناسته د بغلان ولایت والي مولوي سمیع الله حزب الله په مشري د بغلان سیندیزې فرعي حوزې رئیس، د اقتصاد ریاست رئیس او د همکارو مؤسسو د غړو په شتون کې ترسره شوه.
په یاده ناسته کې د بغلان ولایت مقام د یاد ولایت د سیندیزې فرعي حوزې، اقتصاد او ټولګټو ریاستونو او همکارو مؤسسو ګډې کمیټې ته د بیړنیو اقداماتو لارښوونه وکړه.
د یادولو وړ ده، چې د بغلان ولایت په یو شمیر ولسوالیو کې د تیرو سیلابونو له امله ګڼ شمیر استوګنیز کورونه، کرنیزې ځمکې او د اوبو کانالونه ویجاړ شوي دي.
