په تخار ولایت کې د یتیم تپې عمومي کانال د سربند او تحکیماتو د ساتنې او مراقبت پروژې چارې پنځه اتیا(85) سلنه بشپړې شوې دي
د تخار ولایت په ینګې قلعه ولسوالي کې د یتیم تپې عمومي کانال د سربند او تحکیماتو د ساتنې او مراقبت پروژه، چې د اوبو او انرژي وزارت په مالي ملاتړ، د نوموړي وزارت او د دشت قلعې ښکتنې پنج سیندیزې فرعي حوزې د انجنیرانو تر څارنې لاندې پلي کیږي، پنځه اتیا(85) سلنه چارې یې بشپړې شوې دي.
د یادونې وړ ده، چې د یتیم تپې عمومي کانال، د تخار ولایت په ینګې قلعه او خواجه بهاءالدین ولسوالیو کې څه باندې یو سلو پنځوس زره(150000) جریبه کرنیزې ځمکې خړوبوي، چې نوموړې پروژه د یاد کانال د سربند او تحکیماتو د ساتنې او مراقبت او د پنج سیند د تخریباتو د مخنیوي په موخه پلي کیږي او پکې ګڼ شمیر هېوادوالو ته د کار زمینه چمتو شوې ده.
