په سمنګان ولایت کې د آب کیلي بند تر څنګ به د اوبو مدیریت یو شمېر نورې پروژې تطبیق کیږي.
په سمنګان ولایت کې د آب کیلي بند تر څنګ به د اوبو مدیریت یو شمېر نورې پروژې تطبیق کیږي.
د اوبو چارو د تنظیم ملي ادارې لوی رئیس انجنیری خان محمد تکل په خپل کاري دفتر کې د سمنګان ولایت ښاغلي والي محمد داوود کلکاني سره د اوبو مدیریت پروژ په اړه لیدنه وکړه.
ښاغلي تکل په دې لیدنه کې د سمنګان ولایت ښاغلي والي ته په هغه ولایت کې د اوبو مدیریت پرمختائي پروژ د تطبیق په اړه اطمینان ورکړ، زیاته یې کړه: چې د آب کیلي بند د جوړولو قرارداد د ملي پراختیا شرکت سره لاسلیک شوی او همدا شان په لسګونو د چکډیم پروژې په هغه ولایت کې د اوبو چارو د تنظیم ملي ادارې د انجنیرانو لخوا سروې شوي دي چې په راتلوونکي کې به یې چارې پيل شي.
په دې لیدنه کې د اوبو چارو د تنظیم ملي ادارې لوی رئیس ښاغلي تکل د زراعتي ځمکو او څارویو لپاره د اوبو برابرولو په برخه کې د چکډیم پروژو په اهمیت رڼا واچوله او د اوبو چارو دتنظیم ملي ادارې له مسؤلینو یې وغوښتل چې د پروژو په تطبیق کې د سمنګان ولایت د خلکو لمړیتوبونه په نظر کې ونیسي.
په اخر کې د سمنګان ولایت ښاغلي والي د هیواد د اوبو د مدیریت په برخه کې د اوبو چارو د تنظیم ملي ادارې د کړنو قدرداني وکړه او د دې ادارې د رهبرۍ هڅې یې د قدر وړ او ارزښتناکې یادې کړې.
د اوبو چارو د تنظیم ملي اداره
