په غور ولایت کې د هریرود سیند د اوبو اندازه ګیري او د هایدرولوژي سټېشنونو ارقام واخیستل شول
د غور ولایت د اوبو او انرژي ریاست تخنیکي ټیم د دولت یار په ولسوالي کې د چغچران، شینیې او سفید سنګ، په شهرک ولسوالي کې د تنګي ازو او سنوسروی الندر له هایدرولوژي سټېشنونو څخه څارنه وکړه او ارقام یې واخیستل.
نوموړي تخنیکي ټيم سربېره پدې چې د نوموړو اسټېشنونو څارنه او پاملرنه وکړه او تخنیکي ستونزې یې هوارې کړې، د هریرود سیند اوبه د دولت یار په فیروزکوه، شینیې او سنګ سفید موقعیتونو کې کرنمیتر اوتي تي او همدارنګه د لاسي سېبای په وسیله اندازه ګیرې کړې او رسوبات یې هم واخیستل.
