په میدان وردګ ولایت کې د یوه ذخیروي بند، د اوبو درېو ذخیرو، دوو چکډمونو او درې سټیشنونو تخنیکي سروې ترسره شوه
د میدان ښار سیندیزې فرعي حوزې رئيس محترم مولوي عبدالصمد حلیم او ورسره مل تخنیکي ټیم د میدان وردګ ولایت په جلریز او بهسود ولسوالیو کې د تیشې درې ذخیروي بند، د اوبو د دریو ذخیرو، دقره قل او دهن اوجې چکډمونو، د د شت شور، ګردن دیوال او سیاه سنګ سټیشنونو او د زیمني کلي استنادي دیوال سروې ترسره کړه.
همدارنګه د میدان ښار سیندیزې فرعي حوزې رئيس او ورسره مل تخنیکي ټیم د یادو ولسوالیو د خلکو ستونزې او وړاندیزونه واورېدل او له هغوی سره یې د ستونزو د هوارولو په برخه کې د همکاري ژمنه وکړه.
