په ننګرهار ولایت کې د تنګي توغچې کانال د جوړولو په موخه درې اړخیز تړون لاسلیک شو
دغه درې اړخیز تړون د ننګرهار والي محترم ملا محمد نعیم آخند، د ننګرهار سیندیزې حوزې رئيس محترم سیدفضل احد هاشمي او د جاپان د پي ام اس موسسې د مسؤلې آغلې انجنیرې اووا ترمنځ د ننګرهار ولایت په بهسود ولسوالي کې د تنګي توغچې کانال د جوړولو او د کوز کنړ ولسوالي اړوند د سیند د تحکیماتو لپاره د بولډروال د جوړولو په موخه لاسلیک شو.
د دغه تړون د لاسلیکولو پر مهال، د ننګرهار والي په دې برخه کې د پي ام اس موسسې د مسؤلینو هڅې وستایلي او هغوی ته یې د هر ډول همکاري ډاډ ورکړ.
د نوموړي تړون پر بنسټ، یاده پروژه د جاپان د پي ام اس موسسې له لوري د ننګرهار سیندیزې حوزې په همکاري د یو سلو څلور اویا زره ، نهه سوه او څلور وېشت (۱۷۴۹۲۴) آمریکایي ډالرو په ارزښت ډېر ژر پیلږي.
