په هېواد کې د انرژي د تولید او پراختیا په موخه ۳۷ پروژې د ۵۷۶۷ مېګاواټه برېښنا په ټولیزې وړتیا په لاره اچول شوې دي
د اوبو انرژي وزارت د اوبو مدیریت په برخه کې د پام وړ کړنو د ترسره کولو برسېره، په هېواد کې د انرژي د تولید او پراختیا په برخه کې هم تاریخي ګامونه پورته کړي او په دې برخه کې ګڼې پروژې په بېلابېلو ولایتونو کې له بېلابېلو سرچنیو لکه د اوبو، لمر، ډبرو سکرو او باد څخه د انرژي د تولید پروژې شاملې دي، په لاره اچولې دي.
د دغو پروژو له ډلې څخه د کابل ولایت په نغلو کې د ۱۰ مېګاواټه لمریزې برېښنا یوه پروژه بشپړه او ګټې اخیستنې ته وسپارل شوه.
اوسمهال اووه پروژې د ۵۰۰ کیلو ولټ لېږد مزي د انرژي د لېږد نورو پروژو او پراختیایي سب سټیشنونه تر کار لاندې دي، چې په پلي کېدو سره به یې له ترکمنستان څخه د ۱۰۰۰ میګاواټه برېښنا واردولو ته زمینه چمتو شي.
همدارنګه، له دغې ټولګې څخه د ۳ پروژو توافقنامې لاسلیک شوې او د نورو پروژو په هکله هم له پانګوالو سره د همکارۍ هوکړه لیکونه لاسلیک شوي دي.
د یادونې وړ ده، چې تر هوکړه لیک لاندې پروژو په ډله کې د لوګر ولایت د پل علم د لمریزې برېښنا د تولید پروژه د ۱۰۰ مېګاواټو په وړتیا، د غزني ولایت د لمریزې انرژي پروژه د ۱۵۰ مېګاواټو په وړتیا، د نغلو د لمریزې برېښنا د تولید پروژه د ۱۰۰ مېګاواټو په وړتیا، د کندهار ولایت د دهلې بند د څښاک اوبو د برابرولو، اوبولګولو او برېښنا د تولید پروژه د ۳۰ مېګاواټو په وړتیا، په بلخ ولایت کې د ډبرو سکرو له سر چینو څخه د ۱۰۰ مېګاواټه برېښنا په وړتیا او د ۲۵۰ مېګاواټو په وړتیا د لمریزې برېښنا پروژه د عوفي بهرام شرکت له لوري شاملې دي، چې چارې یې د هوکړه لیک په پړاو کې په ښه توګه پرمخ تللې او په راتلونکي کې به یې د پلي کولو قرارداد هم لاسلیک شي.
د اکثرو دغو پروژو منظوري هم د امیر المومنین حفظهالله له لوري ورکړل شوې ده.
