په هېواد کې د وروستۍ زلزلې د قربانیانو کورنیو ته د اوبو او انرژي وزارت سرپرست وزیر ښاغلي ملا عبداللطیف منصور د تسلیت او غمرازي پیغام

په ډېرې خواشیني سره مو خبر ترلاسه کړ، چې په پکتیکا او خوست ولایتونو کې یوې زورورې زلزلې زموږ ګڼ شمېر هېوادوالو ته ځاني او مالي زیانونه اړولي دي.

له همدې امله د پېښې د قربانیانو کورنیو، د هغوی خپلوانو، دوستانو او د افغانستان ټولو خلکو ته د خپلې خواخوږي او ډاډګېرنې مراتب وړاندې کوم او د دې غمجنې پېښې شهیدانو ته د لوی خدای (ج) له درباره د فردوس جنت، ټپیانو ته د عاجلې روغتیا دعا کوم او پاته شویو ته د زړه صبر، اجر او نعم البدل غواړم.

څرنګه چې د دغې پېښې قربانيان لاس نيولو او مرستې ته سخته اړتيا لري، نو له نړيوالې ټولنې، خيريه ټولنو او د هېواد له نورو خيریه بنسټونو څخه هيله کوو چې په دې سخت او ستونزمن حالت کې د دغې پېښې له قربانيانو سره په همکاري کې خپل اسلامي، ايماني او انساني  مسؤلیت ترسره کړي.

و من الله و التوفیق

د ا.ا. د اوبو او انرژي وزرات سرپرست وزیر ملا عبداللطیف منصور