په کابل ولایت کې یو بادي څېړنیز ټاور بیاورغول شو
د اوبو او انرژي وزارت د پایدارې انرژي ریاست فني او مسلکي انجنیرانو د کابل ولایت په سروبي ولسوالي کې یو بادي څېړنیز ټاور بیاورغاوهٔ او ډیټا اخیستنې ته یې چمتو کړ.
د یادونې وړ ده، چې د هېواد په کچه ۱۵ څېړنیز بادي ټاورونه د جرمني هېواد د وینډ کام شرکت له لوري نصب شوي وو، چې له څلورو کلونو راهیسې غیر فعال و، یو ټاور یې تقریبا تخریب او پاتې نور یې بیارغونې ته اړتیا لري چې له دې جملي څخه د سروبي ولسوالي تحقیقاتي ټاور د اوبو او انرژي وزارت د تخنیکي ټیم په هڅو بیرته فعال او ډیټا اخستنې ته چمتو شو او پاتې نور به یې هم په راتلونکي کې بیاورغول شي.
