په کندهار ولایت کې د تیمور بند د عمومي ویالي لمړنۍ سروې ترسره شوه
د کندهار ولایت د کښته میوند ولسوالي د تیمور بند عمومي ویالي لمړنۍ سروې د ارغنداب فرعي رود حوزې د انجنیري ټیم له لورې د یادي حوزې د رئیس ملا سید محمد شرافت، د میوند ولسوالي ولسوال او یو شمېر قومي مشرانو په شتون کې ترسره شوه چې ددې سروې پر بنسټ به د ویالي د بیارغوني، پاکاري او نور اړوند تخنیکي چاري ترسره شې.
یاده ویاله د کندهار ولایت د میوند ولسوالي څخه پیل او د هلمند د ګرشک ولسوالي تر دوراهي پوري رسیږي چي ۴۵ کیلومتره اوږدوالی، ۴-۷ متره پراخوالی او ۲.۵ متره ژوروالی لري چي شاوخوا ۱۰۰۰۰۰ کسان ترې استفاده کوې.
یاده ویاله د سیلابونو له امله ویجاړه شوې ده چي ځایې خلک یې له ګڼو ستونزو سره مخامخ کړي دې.
