پکتیا ولایت کې د ۱۰ کاریزونو د بیارغونې او پا کاري چارې د څه باندې اووه میلیونه افغانیو په لګښت بشپړې او ګټې اخیستنې ته وسپارل شوې
د پکتیا ولایت په زرمت او روحاني بابا ولسوالیو کې د ۱۰ کاریزونو د بیارغونې او پا کاري پروژې د ۷ میلیونه، ۲۰۲ زره او ۷۰۰ افغانیو په لګښت د پکتیا د اوبو او انرژي رئيس محترم مولوي محمد کریم فاتح، یو شمېر نورو سیمه ییزو مسؤلینو، قومي مشرانو او ځوانانو په شتون کې ګټې اخیستنې ته وسپارل شوې.
د دغو پروژو ګټې ته د سپارلو په مراسمو کې د پکتیا د اوبو او انرژي رئيس د هغوی په هکله بشپړ معلومات وړاندې کړل او زیاته یې کړه، چې د دغو کاریزونو د بیارغونې او پاکاري د چارو په بشپړېدو سره د اوبو لګولو وړتیا له ۱۰۶۰ جریبو څخه ۲۱۳۰ جریبو ته پورته او ۵۲۹۰ کورنیو ته د څښاک اوبه برابرې شوې.
په دغو پروژ کې چې زرګونو کسانو ته د کار زمینه چمتو شوې وه، چارې یې د یونېسکو ادارې په مالي ملاتړ د پکتیا د اوبو او انرژي ریاست تر څارنې لاندې پرمخ وړل کېدې.
