پکتیکا ولایت کې د برېښنا انرژي په برخه کې د دریو فعالو شرکتونو تعرفې او تخنیکي چارې و ارزول شوې
د اوبو او انرژي وزارت د برېښنا خدمتونو د تنظیم عمومي ریاست پلاوي پکتیکا ولایت ته سفر وکړ او د دغه ولایت د اوبو او انرژي له رئيس محترم قاري فتح محمد ذاکر سره وکتل او د خپل سفر په هکله یې اړین معلومات وړاندې کړل.
همدارنګه، نوموړي پلاوي د پکتیکا ولایت په مرکز، ښرنه کې د برېښنا انرژي په برخه کې د دریو فعالو شرکتونو د تعرفو او تخنیکي چارو کره ارزونه او څارنه ترسره کړه.
د دې سفر اصلي موخه د پکتیکا ولایت د برېښنایي خدمتونو د فعالو شرکتونو تثبیت، څارنه او د هغوی د قانوني کولو پروسې چټکتیا وه. د سفر په پایله کې اړوند اسناد ثبت شول او د ولایت له ادارې سره د همکاري عملي لارې لا روښانه او پیاوړې شوې.
