پکتیکا ولایت کې د شاوخوا 3 میلیونه افغانیو په لګښت د اداول چکډم د جوړولو چارې پیل شوې
د پکتیکا ولایت په ګومل ولسوالي کې د دوه میلیونه، نه سوه، درې اتیا زره، یو سلو شل(2983120) افغانیو په لګښت د اداول چکډم د جوړولو چارې د ګومل پکتیکا سیندیزې فرعي حوزې د استازي انجنیر لعل آغا حقمل، د قراردادي شرکت استازي او د یو شمیر قومي مشرانو په شتون کې پیل شوې.
نوموړی چکډم د اوبو او انرژي وزارت په مالي لګښت د 32.5 متره په اوږدوالي، د ځمکې له سطحې څخه د 5 متره په لوړوالي، په تهداب کې 5 او په سر کې 0.8 متره سور سره جوړیږي، چې د 2050 متره مکعب اوبو د زیرمه کولو وړتیا به ولري.
