ښاغلي انجنیر مجیب الرحمن عمر آخندزاده د اوبو او انرژۍ وزارت د اوبو معین نن پنجشنبه د ښاري اوبو د مدیریت سیمه ایز مرکز د حکامو شوری په دیارلسمه ناسته کې چې په تهران کې جوړه شوې وه، په مجازي بڼه ګډون وکړ.
ښاغلي انجنیر مجیب الرحمن عمر آخندزاده د اوبو او انرژۍ وزارت د اوبو معین نن پنجشنبه د ښاري اوبو د مدیریت سیمه ایز مرکز د حکامو شوری په دیارلسمه ناسته کې چې په تهران کې جوړه شوې وه، په مجازي بڼه ګډون وکړ.
د ښاري اوبو د مدیریت سیمه ایز مرکز هغه سازمان دی چې د ملګرو ملتونو علمي او فرهنګي سازمان(یونسکو) تر چتر لاندې د سیمې د ۱۹ هېوادونو او شاوخوا ۱۰ نړۍ والو سازمانونو په غړیتوب سره د اوبو سکتور اړوند د ظرفیت جوړونې، د تجاربو شریکول، د علمي تحقیقاتو او د اوبو په برخه کې د سیمه ایزو همکاریو د پراختیا په برخه کې فعالیت کوي.
په دې غونډه کې د اوبو محترم معین په خپله وینا کې د افغانستان د اوبو سرچینو پر وضعیت، د اوبو پر سرچینو د اقلیمي بدلونونو ناوړه اغیزو، په کابل او نورو لویو ښارونو کې د څښاک اوبو رسونې پر ستونزو او حل لارو او د ښاري اوبو مدیریت په برخه کې د سیمې هېوادونو تر منځ د همکاریو پر پراختیا بحث وکړ.
غونډه د افغانستان پر وخت د سهار ۱۰ بجې پیل او د ماسپښین تر ۱:۳۰ بجې پورې یې دوام درلود چې پکې د حکام شوری د غړو هېوادونو د استازو د ویناوو سربیره د مرکز اړوند تېر فعالیتونه او راتلونکې پلانونه وارزول شول.
