ښاغلي ملا عبداللطیف منصور د برېښنا د تولید حوزوې ریاست څخه لیدنه وکړه
د اوبو او انرژي وزارت سرپرست وزیر ښاغلي ملا عبداللطیف منصور د برېښنا د تولید حوزوې ریاست څخه لیدنه وکړه
د اوبو او انرژي وزارت سرپرست وزیر ښاغلي ملا عبداللطیف منصور دبرېښنا د تولید حوزوي ریاست د دریګونو سټیشنونو ( د نغلو د برېښنا سبسټیشن ، د ماهیپر د برېښنا سبسټیشن، د سروبی د برېښنا سبسټیشن) څخه لیدنه وکړه.
په دې لیدنه کې دبرېښنا د تولید حوزوي رئیس مولوي حکمت الله اخندزاده د اوبو او انرژي وزارت سرپرست وزیر ته ښه راغلاست وویل او د برېښنا د تولید او په ټوله کې د دې ریاست په هکله یې هر اړخیز معلومات وړاندي کړل.
د اوبو او انرژي وزارت سرپرست وزیر د برېښنا د تولید حوزوي ریاست له ټولو کارمندانو څخه مننه وکړه چې په هر ډول شرایطو کې نه ستړي کیدونکي هلې ځلې کړې دي، ترڅو ګرانو هیوادوالو ته برېښنا ورسوي.
د اوبو او انرژي وزارت سرپرست وزیر په دغه لیدنه کې وویل، دا چې برېښنا په اقتصاد کې د زړه حیثیت لري نو له ټولو کارمندانو څخه غوښتنه وکړه چې خپل ورسپارل شوي دندې په صداقت او ایماندارۍ سره سرته ورسوي.
همداراز د اوبو او انرژي وزارت سرپرست وزیر په دې لیدنه کې د نغلو بند د سبسټیشن له دوو دروازو څخه هم لیدنه وکړه چې له ۱۳۵۶ راهیسې بند پاتې شوي وي او د افغانستان اسلامي امارت په راتګ سره د باندې طرفه دروازه د فني انجینرانو په واسطه خلاصه شوي او د ننه دروزاې پر خلاصیدو باندې کار روان دی او همدارنګه د غاصیبینو څخه د زیاتې اندازې ځمکې بېرته اخیستنه ، د راتلونکي کال لپاره د ۱۰زره نیالګیو کښېنولو لپاره د ځمکو برابروالی او دګلاوې تونل د پاکوالي چارو څخه هم لیدنه وکړه.
