کاپیسا ولایت کې د میرآب باشی نوی سیسټم، د کانالونو د ساتنې او څارنې او د کانالونو د حریم په هکله ښوونیز ورکشاپ وړاندې شو
د کاپیسا ولایت د اوبو او انرژي ریاست د اوبو د تنظیم آمریت د میرآب باشی او میرابانو د ټولنو د رئیسانو په شتون کې د میرآب باشی نوی سیسټم، د کانالونو د ساتنې او څارنې او د کانالونو د حریم په هکله ښوونیز ورکشاپ وړاندې کړ.
په دغهٔ ورکشاپ کې د اوبو د سرچینو د ښه مدیریت د تګلارو او ننګونو او د کانالونو د حریم سربېره، د اوبو په وېش کې د میراب باشي ارزښت، په کانالونو کې د اوبو په جریان او د اوبو د سرچینو د ضایع کولو او د کانالونو د حریم څارنه، د اوبو د خرابېدو او ککړتیا په موخه د کانالونو د ساتنې او څارنې په اړه بحث او د اندونو تبادله ترسره شوه.
همدرانګه په دغهٔ ورکشاپ کې د اوبو د مدیریت نوې تګلارې، د اوبو په سرچینو د اقلیمې بدلونونو ننګونې، د کانالونو د حریم د ساتنې په تړاو قوانین او مقررات او د محلي ټولنو د ګډون نقش، د میراب باشیانو په وسیله د کانالونو پاک کاري هم تر بحث لاندې ونیول شول.
