کندهار ولایت کې د سربند، دروازې او استنادي دېوال د جوړولو چارې د څه باندې یو میلیون افغانیو په لګښت پیل شوې
د کندهار ولایت د ډنډ ولسوالي د کلانتر په کلي کې د ۵۰ متره په اوږدوالي د یوه سربند، د اړوند کانال دروازه، د کانال ۲۰ متره په اندازه پاک کاري او د ۵۴ متره استنادي دېوال د جوړولو چارې د کندهار ولایت د اوبو او انرژي ریاست تر څارنې لاندې د ملګرو ملتونو د پراختیايي دفتر په ۱ میلیون ۴۴۵ زره ۷۸۰ اعشاریه ۴۰ افغانیو په مالي لګښت پیل شوې.
نوموړې پروژه د زراعتي ځمکو د خړوبولو او کانال ته له رود څخه د اوبو پورته کولو په موخه جوړېږي چې یو شمېر ځایي اوسېدونکو ته يې د کار زمینه هم برابره کړې او چارې به یې د ۲ میاشتو په موده کې بشپړې شي.
