کندهار ولایت کې د یوه استنادي دېوال جوړولو پروژه د نږدې دوه میلیونه افغانیو په لګښت پیل شوه
د کندهار ولایت د سپین بولدک ولسوالي د کنډک مانده د ۲۰۰ متره استنادي دېوال جوړولو پروژه د ۱ میلیون، ۹۳۲ زره او ۸۰۸ افغانیو په لګښت پیل شوه.
د دغې پروژې د چارو په بشپړېدو سره به د سېلابونو له ویجاړیو څخه د مخنیوي ترڅنګ د نوموړې سیمې د خلکو ستونزې هم هوارې شي.
په نوموړې پروژه کې ګڼ شمېر خلکو ته د کار زمینه چمتو شوې او چارې به یې د دوو میاشتو په موده کې بشپړې او ګټې اخیستنې ته وسپارل شي.
د دغې پروژې چارې د ملګرو ملتونو د پراختیایي دفتر په مالي لګښت د کندهار د اوبو او انرژي ریاست تر څارنې لاندې پرمخ وړل کېږي.
