کنړ ولایت کې د درې پروژو چارې د څه باندې ۱۸ میلیونه افغانیو په لګښت روانې دي
د کنړ ولایت د غازي آباد، ناړۍ او چپې درې ولسوالیو کې د دوو تحکیماتي پروژو او وطلې کانال چارې د ۱۸ میلیونه، ۴۷۰ زره او ۳۵۳ افغانیو په لګښت روانې دي.
د کنړ د اوبو او انرژي ریاست تخنیکي مسؤلینو د نوموړو پروژو د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
نوموړې پروژې ۴۴۰ متره اوږدوالی لري او پکې یو شمېر کسانو ته د کار زمینه چمتو شوې او چارې یې په ترتیب سره ۲۵، ۳۵ او ۵ سلنه پرمخ تللې دي.
