یو شمېر اوکرایني متخصصین د اوبو بندونو د ساتنې او پاملرنې او د کابل- پنجشیر په پروژه کې تخنیکي همکاري ته لېواله دي
د اوبو او انرژي سرپرست وزیر محترم الحاج ملا عبداللطیف منصور د خپل کار په دفتر کې له یو شمېر اوکرایني متخصصینو سره وکتل.
په دغه لیدنه کې، اوکرایني متخصصینو د نغلو، سروبي، درونټې او ماهیپر بندونو د ساتنې او پاملرنې او له پنجشیر څخه کابل ته د اوبو د لېږد په پروژه کې د تخنیکي همکاري د ترسره کولو په موخه لېوالتیا څرګنده کړه. نوموړو متخصصینو د داوبو او انرژي وزارت د انجنیرانو د وړتیا لوړولو په برخه کې هم د همکاري ډاډ ورکړ.
د اوبو او انرژي سرپرست وزیر په دغه لیدنه کې، د اوکرایني متخصصینو د تخنیکي همکاري د لېوالتیا هرکلی وکړ او له هغوی سره یي په دې برخه کې د هر راز همکاري ژمنه وکړه او زیاته یې کړه، چې اړتیا ده تر څو د وزارت او نوموړو متخصصیونو ترمنځ د تخنیکي همکاري د ترسره کولو په برخه کې هوکړه لیک لاسلیک شي.
