په تخار ولایت کې د سوري سیمي د سیند غاړو تحکیماتو پروژه بشپړ شوه.
دغه پروژه د اوبو چارو د تنظیم ملي ادارې لخوا د هندوستان هېواد په مالي مرسته چې د کرنیزو ځمکو ژغورلو، د سیلابونو څخه د استوګنځایونو ژغورلو او د کرنیزو ځمکو زیاتوالي په موخه د تخار ولایت په فرخار ولسوالۍ کې بشپړه شوه.
د دغې پروژې تطبیق سره ۵۰ جریبه نوې ځمکه تر لاسه شوه، ۲۵۰ جریبه ځمکه او ۲۰۰ کورنۍ د سیلاب له خطر څخه وژغورل شول.
همدارنګه د دغې پروژې مجموعي اوږدوالی ۱۱۳۰ متره کیږي چې ۲۰۰۰ کسان ترې ګټه پورته کوي.
د اوبو چارو د تنظیم ملي اداره