د اوبو او انرژي سرپرست وزیر د هېواد له سیندیزو عمومي حوزو رئیسانو سره وکتل
د هیواد سیندیزو عمومي حوزو رئیسانو په یوه ناسته کې د فعالیتونو راپور، ستونزې او وړاندېزونه د اوبو او انرژي وزارت له سرپرست سره شریک کړل.
د ا.ا.ا د اوبو او انرژي وزارت سرپرست وزیر ښاغلي ملا عبد اللطیف منصور په یوه ناسته کې چې د دې وزارت د اوبو معین ښاغلي مجیب الرحمن عمر او مالي او اداري عمومي رئیس حاجي محمد الدین نیازي هم ګډون درلود د کابل، هریرود مرغاب، پنج امو، هلمند او شمال عمومي سیندیزو حوزو رئیسانو سره وکتل او د هغو کاري راپورونه، ستونزې او وړاندیزونه یې واریدل.
د اوبو او انرژي وزارت سرپرست دې ته په اشاره چې د اسلامي امارت مسؤلین د افغانستان د خلکو خدمت ګاران دي د یادو حوزو رئیسان اخلاص او د افغانستان خلکو ته د ریښتوني خدمت کولو ته وهڅول.
ښاغلي منصور په دې ناسته کې د اوبو معین او ټولو مسؤلینو له هغه فعالیتونو څخه چې د اوبو ملي کنفرانس په برخه کې چې څو ورځې مخکې د دې وزارت لخوا ترسره شو د قدرداني اظهار وکړ، همدا شان د اوبومدیریت غوره والي او سیندیزو حوزو کې د شته ستونزو حل په موخه یې لازم هدایت د اړونده عمومي حوزو رئیسانو ته ورکړل.
د اوبو او انرژي وزارت
