د چارو د جریان د وضعیت، ستونځو دحل او د کارونو د ښه انسجام لپاره د اوبو او انرژي وزارت د انرژي په معینیت کې غونډه وشوه.
دغه غونډه د اوبو او انرژي وزارت د انرژي د معين مولوی عارف الله عارف په مشرۍ د دغه وزارت د انرژي د سکتور د ټولو رئيسانو په شتون کې جوړه شوه. په دې غونډه کې په بېلابېلو تخنیکي او اداري موضوعاتو لکه: د پانګونې له شرکتونو سره د همغږۍ کمېټې پر جوړولو، د وزارتونو ترمنځ د همغږۍ کمېټې د جوړولو او د نغلو د ۱۰۰ میګاواټه برېښنا پروژې د مساحت د بیا کتنې په اړه د وزارت مقام ته د طرحې وړاندې کول او د انرژي زونونو د مالي او اداري ستونزو د حل او نورو تخنیکي او اداري مسایلو په اړه بحث وشو. په دې کتنه کې اړوندو رئیسانو د یادو شویو موضوعاتو په اړه خپل مفصل راپورونه د انرژي وزارت له معین سره شریک کړل او د راپورونو له اوریدو وروسته د انرژي معین اړوندو مسئوولینو ته لازمې لارښوونې وکړې.
