د بشري سرچینو او مالي او اداري ریاستونو د کارکوونکو لپاره روزنیزه غونډه ترسره شوه
د اوبو او انرژي وزارت د ارشاد او دعوت ریاست د خپلو روزنیزو غونډو په لړ کې نن د بشري سرچینو او مالي او اداري ریاستونو د کارکوونکو لپاره روزنیزه غونډه تر سره کړه.
په دغه غونډه کې، د اوبو او انرژی وزارت د ارشاد او دعوت رئیس ښاغلي مولوي ګل الرحمن "عارف" پر مجرمانو باندې د الهی احکامو پلي کیدو په هکله خبرې وکړې او زیاته یې کړه، چې پر مجرمانو باندې د الهي احکامو پلي کیدل د دې لامل ګرځي چې د جرایمو کچه په ټولنه کې را ټیټه شي او د مجرمانو د اصلاح لامل وګرځي.
د دعوت او ارشاد رئيس په دغه غونډې کې ټول کارکوونکي د چارو په ترسره کولو کې اخلاص ته را وبلل او زیاته یې کړه،چې ټولې چارې باید په بشپړ اخلاص او رښتینولي سره ترسره کړو.
