د کابل سیندیزې عمومي حوزې رئیس د غزني او پکتیکا ولایتونو د لویو بندونو د ساتنې او پالنې په موخه لیدنه وکړه
د کابل سیندیزې حوزې عمومي رئیس انجنیر حبیب الرحمن حقپال،د انجنیري خدمتونو عمومي رئیس انجنیر فرهاد ضیا،د حفظ مراقبت رئیس محبوب الله آفاق او ورسره تخنیکي پلاوي د درې ورځني سفر په ترڅ کې د چارو د لاښه تنظیم او لویو بندونو د حفظ مراقبت په موخه د غزني او پکتیکا ولایتونو د سیندیزو حوزو ریاستونو او لویو بندونو څخه لیدنه ترسره کړه!
یاد ټیم په لومړي قدم کې د غزني ولاړو اوبو د فرعي سیندیزې حوزې ریاست رئیس مولوي اسدالله منصوري په ملتیا د غزني د والي مولوي محمد اسحق سره وکتل چې ورپسې یې د یاد ریاست د چارو څخه لیدنه ترسره کړه، او د سلطان ،سردې او زنخان بندونو څخه یې لیدنه وکړه.
په دوهم قدم کې یې د پکتیکا ګومل فرعي سیندیزې حوزې ریاست رئیس قاري فتح محمد ذاکر په ملتیا د پکتیکا ولایت د والي سره وکتل چې ورپسې یې د یاد ریاست د چارو او د پلتو بند د پروژې د ځای څخه لیدنه ترسره کړه.
