د بلخ پوهنتون د هایدروتخنیک انجنیري پوهنځي څه باندې ۲۰ تنو محصلینو په شمال سیندیزې حوزې کې خپلې عملي او نظري زده کړې بشپړې کړې
د شمال سیندیزې حوزې عمومي ریاست د بلخ پوهنتون سره دخپلو مخکنیو همکاریو په دوام، دا ځل د بلخ پوهنتون د هایدروتخنیک انجنیري پوهنځي د ٢٩ تنو محصلینو په شمېر خپلې عملي ( پرکتیکی ) نظري زده کړي په جلا توګه د اوبو د چارو تنظیم او د اوبو د سرچينو آمریتونو د انجينرانو د لارښوونو په اساس په بریالیتوب سره پای ته ورسولې.
په دغه پرکتیک دوره کې، د هایدرو تخنیک انجنیري پوهنځي محصلینو ته په افغانستان کې د سیندیزو حوزو د جوړولو د موخو ترڅنګ، په شمال کې د فرعي سیندیزو حوزو په هکله معلومات ورکړل شوه.
همدارنګه د هایدروتخنیکي ودانیو د ډیزاین او د تخنیکي چارو څخه د څارنې د میتودونو، د اوبو سرچینو د هراړخیز مدیریت لکه د هایدرولوژیکي استیشنونو شمېر، د استیشنونو د ارقامو راټولولو، په شمال حوزې کې د سیندیزو حوزو د اعظمي او اصغري د جریان مقدار، د کلني اورښت کچه او همدغه راز د اوبو چارو د تنظیم په هکله لکه د اوبو پر سر د شخړو رامنځته کیدو د ستونزو هوارول او ور څخه مخنیوی او په کانالونو کې د حقابه و د مقدار او د هایدروتخنیکي پروژ د پلي کیدو په هکله پوره معلومات ورکړل شوه.
په پاي کې نوموړو محصلینو د ریاست مقام مشرتابه او اړوندو انجنيرانو څخه د خپلو هر اړخیزو او بشپړو همکاریو په خاطر د زړه له کومې مننه وکړه.
