د پروان ولایت په عمومی کانال کې د درز د ترمیم لپاره به اقدام صورت ونیسي.
د پروان د پروژې عمومي کانال ۲۴ کیلومتره اوږدوالی لري او په یوه ثانیه کې د ۲۷ متر مکعب اوبو ظرفیت لري، چې ۲۴۸۰۰ هکتاره ځمکه خړوبوي. د جبل السراج ولسوالۍ د ګلبهار کلي د ناوېا په سیمه کې په کانال کې د اوبو د زیاتوالي له امله د کانال کیڼ لاس درز پیدا کړی چې باید ژر تر ژره د اوبو د توییدو او خپریدو مخه ونیول شي.
که یاد شوی کانال تخریب شی نو په هغه سیمه کې سلګونه هکتاره کرنیزه ځمکه او د استوګنې کورونه به ویجاړ شی
د غوربند چاریکار فرعي حوزې رئیس د انجنیرانو له تخنیکي ټیم سره یوځای د سیمې د لیدنې په موخه سیمې ته ولاړ او د سیمې له لیدنې وروسته یې اړوند ټیم او پلاوي ته لازمې لارښوونې وکړې ترڅو ژر تر ژره په دې برخه کی فعالیت وکړي
