د اوبو او انرژي وزارت د اوبو معین د ملي پراختیا شرکت له عمومي رئیس سره په کتنه کې د قوش تیپې کانال د چارو پرمخ وړلو باندې د اوبو او انرژي وزارت سره پر همغږي باندې ټینګار وکړ
د اوبو او انرژي وزارت د اوبو معین ښاغلی انجنیر مجیب الرحمن عمر آخندزاده په داسې حال کې چې د اوبو معینیت یو شمېر رئیسانو هم شتون درلود، د ملي پراختیا شرکت له عمومي رئيس ښاغلي عبدالرحمن عطاش سره وکتل.
په دغه لیدنه کې، د اوبو او انرژي وزارت د اوبو معین د قوش تیپې کانال د چارو پرمخ وړلو باندې د اوبو او انرژي وزارت سره پر همغږي باندې ټینګار وکړ او زیاته یې کړه، چې د قوش تیپې کانال تخنیکي چارې باید د اوبو او انرژي وزارت سره په همغږي سره تر سره شي.
په ورته وخت کې، په دغه لیدنه کې فیصله وشوه چې د اوبو او انرژي وزارت او د ملي پراختیا شرکت تخنیکي ټیمونه دې د قوش تیپې کانال د ښه پرمخ وړلو لپاره دې خپل نظرونه سره شریک کړې.
د دې لیدنې په پای کې، د اوبو او انرژي وزارت او ملي پراختیا شرکت د تخنیکي ټیمونو ترمنځ د ګډې ناستې په ترسره کولو باندې ټینګار وشو.
