د دعوت او ارشاد اصلاحي او روزنیز سمینار د الهي نواهیو د ترسره کولو او د ګناه عواقبو د ترسره کولو په هکله ترسره شو
د اوبو او انرژي وزارت د دعوت او ارشاد ریاست د مخکنیو ناستو او سمینارونو په دوام کې، داځل اصلاحي او روزنیز سمینار له ګناه څخه ډډه کولو او د الهي نواهیو څخه د پرهیز په هکله د دعوت او ارشاد رئيس ښاغلي مولوي ګل الرحمن عارف په شتون کې ترسره شو.
په دې سمینار کې چې د دفتر عمومي ریاست کارمندانو ګډون درلود، ښاغلي مولوي ګل الرحمن عارف د الهي اوامرو په ترسره کولو او د الهي نواهیو څخه د پرهیز کولو په هکله باندې خبرې وکړي او د ګناهونو د ترسره کولو د عواقبو او د هغو اعمالو په نه ترسره کولو چې د خدای(ج) له لوري څخه منع شوي په هر اړخیز ډول معلومات وړاندې کړل.
د دعوت او ارشاد رئيس په یاده ناسته کې د ځینو کبیره ګناهونو کله: په دروغو قسم یادول، دروغ ویلو، غلا، حسد، زنا، د شهادت پټول، په ناحقه شهادت او یو شمېر نورو ګناهونو ته اشاره وکړه او ټینګار یې وکړ ، هر څوک چې دا اعمال ترسره کړي د الهي عذاب او د دوزخ وړ ګرځي.
ښاغلي مولوي عارف ټول کارمندان د الهي احکامو زده کړو ته را وبلل او د ښو اعمالو ترسره کولو ته یې وهڅول.
