باغیس ولایت کې د دایزنګي او تګاب کانالونو د پاکاري ، د اندري او قرقیطو کانال د پاکاري او د محافظوي دیوار پروژو د جوړولو چارې پیل شوې
د باغیس ولایت په آبکمري ولسوالي کې د دایزنګي کانال د پاکاري او د یوې برخې په پاخه ډول جوړولو، مقر ولسوالي کې د اندري کانال د پاکاري او د پرچاوې ودانۍ د جوړولو، د قلعه نو اړوند د چینې پاکاري، د قرقیطو سرچینې د محافظوي دیوال د جوړولو او د قلعه نو اړوند د تګاب اسماعیل او باغبان کانالونو د پاکاري او د محافظوي دیوال د جوړولو چارې د هریرود- مرغاب سیندیزې عمومي حوزې رئيس ښاغلي ملا عبدالسلام مستوفي آغا، د GIZ دفتر د استازي او د هغه ولایت د یو شمېر محلي مسؤلینو په شتون کې پرانیستل شوې.
د یادو پروژو د پرانیستي په مراسمو کې، د هریرود- مرغاب سیندیزې عمومي حوزې رئيس د اقتصاد او کرنې په وده کې د اوبو د رول په هکله هر اړخیزه وینا وکړه او د یادو پروژو د چارو په ترسره کولو کې پر لوړ کیفیت باندې ټینګار وکړ.
د یادو پروژو چارې د GIZ د دفتر په مالي ملاتړ پر مخ وړل کېږي.
