د غوربند چاریکار سیندیزې فرعي حوزې ریاست او پروان پوهنتون ترمنځ د تخنیکي همکاري هوکړه لیک لاسلیک شو
د غوربند چاریکار سیندیزې فرعي حوزې ریاست او پروان پوهنتون ترمنځ د استراتیژیکو پلانونو د طرح کولو، د پروژو د طرحې، سروې، ډیزاین او پروپوزل جوړولو او د اوبو لابراتواري ټسټونو په برخو کې د تخنیکي همکاري هوکړه لیک د غوربند چاریکار سیندیزې فرعي حوزې رئيس محترم انجنیر مجیب الرحمن حبیبي او د پروان پوهنتون رئیس محترم ډاکټر محمد عزیز کاظم له لوري د پروان والي محترم الحاج مولوي عبیدالله امین زاده په شتون کې لاسلیک شو.
د یادونې وړ ده، چې نوموړی هوکړه لیک د دواړو لورو د کارمندانو او محصلینو د ظرفیت لوړونې په موخه د دریو کلونو لپاره لاسلیک شو.
