د اوبو او انرژي سرپرست وزیر د هرات له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د هرات له والي محترم شیخ الحدیث مولانا نوراحمد اسلام جار سره وکتل.
په دغه لیدنه کې، په هرات ولایت کې د اوبو او انرژي پراختیايي پروژو په هکله بحث او د اندونو تبادله وشوه.
د اوبو او انرژي سرپرست وزیر د هرات والي ته ډاډ ورکړ، چې په هرات ولایت کې د پراختیایي پروژو د پلي کولو په برخه کې به د شته امکاناتو په پام کې نیولو سره رسیدګي وشي.
