د اوبو او انرژي سرپرست وزیر د کندز ولایت د برېښنا له ریاست څخه لیدنه وکړه
د اوبو او انرژي سرپرست وزیر محترم الحاج ملا عبداللطیف منصور په داسې حال کې چې د یو شمېر سیندیزو حوزو رئیسانو یې ملتیا کوله، د کندز ولایت د برېښنا له ریاست څخه لیدنه وکړه.
په ورته مهال، د یاد ریاست مسؤلینو او کارمندانو د اوبو او انرژي د سرپرست وزیر له راتګ څخه خوښي څرګنده کړه او خپلې ستونزې او غوښتنې یې ورسره سره شریکې کړې.
همدارنګه د اوبو او انرژي سرپرست وزیر د دوی ستونزو او غوښتنو ته د شته امکاناتو په پام کې نیولو سره د رسیدګي ډاډ ورکړ.
