د غوربند چاریکار سیندیزې فرعي حوزې او په پروان ولایت کې د عزیزي بانک څانګې ترمنځ د همکاري هوکړه لیک لاسلیک شو
یاد هوکړه لیک د غوربند چاریکار سیندیزې فرعي حوزې رئیس انجنیر مجیب الرحمن حبیبي او په پروان ولایت کې د عزیزي بانک څانګې د استازي ترمنځ د پیسو راټولولو په برخه کې د روڼتیا او اسانتیاوو رامنځته کولو لپاره د اوبو ګټه اخیستونکو ټولنو ته د بانکي حسابونو د جوړولو په موخه لاسلیک شو.
د غوربند چاریکار سیندیزې فرعي حوزې رئیس انجنیر مجیب الرحمن حبیبي وویل، چې نوموړې حوزه له خپلو ټولو امکاناتو څخه په ګټې اخیستنې سره هڅه کوي ترڅو د اوبو ګټه اخیستونکو ټولنو ته کاري اسانتیاوي رامنځته کړي.
