د ۱۲ اړوندو ادارو ترمنځ فراه ولایت ته د وارداتي برېښنا د سروې په موخه د همغږۍ ناسته ترسره شوه
دغه ناسته د فراه رود سیندیزې فرعي حوزې رئيس محترم ملا برهان الدین مینوال، د سروې د ټیم مسؤل محترم انجنیر روح الله صافي او ورسره مل پلاوي په ګډون د فراه رود په سیندیزه فرعي حوزه کې ترسره شوه.
د دغې ناستې په پيل کې، د فراه رود سیندیزې فرعي حوزې رئيس د ناستې د کاري اجنډا په هکله خبرې وکړې او د دغې ناستې له ټولو ګډونوالو څخه و غوښتل چې په دې برخه کې همکاري وکړي.
همدارنګه په دغه ناسته کې، د هایدرولوژیکي سټیشنونو د وړتیا، د سب سټیشنونو د ځای(موقعیت) او یو شمېر نورو موضوعاتو په هکله بحث او د اندونو تبادله وشوه او د اړوندو ادارو ترمنځ پر همکاري او همغږي باندې ټینګار وشو.
