د انرژي معینیت اونیزه تخنیکي او اداري ناسته ترسره شوه
دغه ناسته د دفتر د عمومي رئيس او د انرژي معینیت د سرپرست محترم قاري محمد عبدالعزیز عزیز تر مشري لاندې د دغه معینیت د رئيسانو، سلاکارانو او یو شمېر تخنیکي مسؤلینو په ګډون ترسره شوه.
په دغه ناسته کې د پانګونې د جلب په موخه تر ۵۰۰ کیلو واټه لږ برېښنا د تولید پروژو اعلان ته سپارلو د څرنګوالي، د هېواد د شته برېښنا سیسټم د بدلون او غوره والي د څېړلو، په هېواد کې د برېښنا شبکې د استراتیژي پراختیا او د انرژي سکتور اړوند یو شمېر نورو اړوندو موضوعاتو په هکله بحث او د اندونو تبادله وشوه.
د ناستې په بهیر کې رئيسانو او ټاکل شوو کمېټو خپل معلومات وړاندې کړل او وروسته د دفتر د عمومي رئيس او د انرژي معینیت د سرپرست له لوري هغوی ته د چارو د غوره والي او چټکتیا په موخه اړینې سپارښتنې او هدایات وشول.
