د هریرود- مرغاب سیندیزې حوزې عمومي رئيس د پاشدان بند د پاتې چارو د بیاپیلولو په موخه د دغه بند له سیمې څخه لیدنه وکړه
د هریرود- مرغاب عمومي سیندیزې حوزې پلاوي د دغې حوزې د رئيس محترم مولوي عبدالسلام مستوفي آغا تر مشري لاندې د پاشدان بند د پاتې چارو د بیا پیلولو په موخه د نوموړي بند له سیمې څخه لیدنه وکړه.
د نوموړې حوزې عمومي رئيس او ورسره مل پلاوي د نوموړي بند له ساحوي مسؤلینو او کارمندانو سره وکتل او د هغه د پاتې چارو د بیا پیلولو د چمتووالي په هکله یې خبرې وکړې.
د یادونې وړ ده، چې په هرات ولایت کې د پاشدان بند پاتې چارې به په نږدې راتلونکي کې پيل شي.
